FormLang հայերենի բառակազմության էլեկտրոնային շտեմարան

         FormLang-ը հայերենի բառակազմության էլեկտրոնային շտեմարան է, որը հնարավորություն է տալիս որոնումների շնորհիվ տեսնել բառերի կազմությունը, տարբերակային ձևերի, շեղումների և անկանոնությունների ամբողջական պատկերը:

      Շտեմարանը ստեղծվել է Գալուստ Կիւլպէնկեան Հիմնարկութեան հովանավորությամբ իրականացվող «Հայերենի բառակազմության ձևային նկարագրություն և համապատասխան էլեկտրոնային շտեմարանի ստեղծում» գիտահետազոտական նախագծի շրջանակում:

            Ծրագրի հեղինակը և ղեկավարը ՀՀ ԳԱԱ Հ. Աճառյանի անվան լեզվի ինստիտուտի ավագ գիտաշխատող, բանասիրական գիտությունների թեկնածու, դոցենտ Մերի Սարգսյանն է (http://language.sci.am/hy/comparative-linguistics/meri-sargsyan.html):

       «Հայերենի բառակազմության ձևային նկարագրություն և համապատասխան էլեկտրոնային շտեմարանի ստեղծում» ծրագիրը հայերենի լիակատար ձևային նկարագրություն համալիր նախագծի առաջին փուլն է: Ծրագրի նպատակը հայերենի արդի բառապաշարի կազմի մեջ մտնող ավելի քան հազարավոր բառերի բառակազմական վերլուծությունն է, դրանց բաղադրիչների ձևային նկարագրությունը, բարդ բառերի դեպքում` բարդության բաղադրիչների իմաստային կապերի բացահայտումը և որպես տեսական աշխատանքի գործնական կիրառություն` համապատասխան էլեկտրոնային մեծածավալ շտեմարանի ստեղծումը:

          Լինելով իր տեսակի մեջ եզակի աշխատանք, որն ունի տեսական և կիրառական հսկայական նշանակություն, հայերենի բառապաշարի ձևային նկարագրության արդյունքում հավաքված հսկայական փաստական նյութը հայերենի բառակազմությամբ հետաքրքրվողներին հնարավորություն է տալիս համաժամանակյա և տարաժամանակյա հայեցակետերով ուսումնասիրել բառակազմությունը: Էլեկտրոնային շտեմարանն էլ, որի բառային հենքը ընդգրկում է հազարավոր բառերի բառակազմական վերլուծություն, ունի բառերի, դրանց կազմում եղած հիմնական և երկրորդական ձևույթների որոնման հնարավորություն: Դա նշանակում է` ցանկացած արմատի կամ ածանցի որոնման ժամանակ հայտնվում են դրանց բառափնջերը, այսինքն՝ դրանցով կազմված պարզ, բարդ և ածանցավոր բոլոր բառերը:

 

FormLang հայերենի բառակազմության էլեկտրոնային շտեմարանի վերաբերյալ գիտական հրապարակումներ.

1. Sargsyan Meri, On the Electronic Database of the Armenian Word-Formation, “Katchar”, №2, 2021, pp. 56-65, doi: https://doi.org/10.52853/25792903-2021.2-msoe

2. Sargsyan M.A.(2019) The Goal and Issues of the Formal Description of Armenian Vocabulary and Creation of the Electronic Database.InternationalAcademyJournalWebofScholar. 1(31), Vol.2.doi: 10.31435/rsglobal_wos/31012019/6319

3. Սարգսյան Մերի, Ասիլբեկյան Շուշան, Հայերենի բառակազմության խնդրահարույց մի քանի հարցերի մասին, «Հայոց լեզվի պատմական ուսումնասիրության արդի խնդիրները» գիտական հոդվածների ժողովածու, Երևան, 2019, էջ 177-185:

4. Սարգսյան Մերի, Հայերենի բառակազմության էլեկտրոնային շտեմարանի առանձնահատկությունները, «ԼԵԶՈՒ ԵՎ ԽՈՍՔ - 2» գիտական հոդվածների ժողովածու, Երևան, 2020, էջ 101-112:

 

FormLang հայերենի բառակազմության էլեկտրոնային շտեմարանից օգտվելու տեսաուղեցույց.